ഖുർആൻ പൊരുൾ |QURAN PORUL

വിശുദ്ധ ഖുർആന് വ്യത്യസ്തങ്ങളായ വ്യാഖ്യാനരീതികളും രീതിശാസ്ത്രങ്ങളുമുണ്ട്. അതിൽ ആഗോളതലത്തിൽ തന്നെ പ്രസിദ്ധമായ, അടുത്തകാലത്ത് കൂടുതൽ പ്രചാരണം ലഭിച്ച സവിശേഷമായ രീതിശാസ്ത്രമാണ് ‘അത്തഫ്സീറുൽ മൗദൂഈ’. ഖുർആനെ ആയത്തുകൾ കേന്ദ്രീകരിച്ചുള്ള വ്യാഖ്യാനരീതിയിൽ നിന്ന് വ്യത്യസ്തമായി വിഷയാധിഷ്ഠിതമായി പഠിക്കുകയും വ്യാഖ്യാനിക്കുകയും ചെയ്യുന്ന രീതിയാണിത്. ഈ മേഖലയിൽ അറബി ഭാഷയിൽ ചെറുതും വലുതുമായി അനേകം ഗ്രന്ഥങ്ങൾ രചിക്കപ്പെട്ടിട്ടുണ്ടെങ്കിലും ആദ്യമായാണ് മലയാളത്തിൽ ഒരു ഗ്രന്ഥം പ്രസിദ്ധീകരിക്കപ്പെടുന്നത്. 54-ഓളം വിഷയങ്ങൾ അടങ്ങിയ ഈ ഗ്രന്ഥം ഖുർആൻ പഠനം ആഗ്രഹിക്കുന്ന ഏതൊരാൾക്കും കൂടുതൽ ഉപകരിക്കുന്നതാണ്.