Accessories

കോർപ്പറേറ്റ് ഓഫീസുകളുടെ അകത്തളങ്ങളിൽ ഒളിഞ്ഞിരിക്കുന്ന മനുഷ്യ ജീവിതത്തിന്റെ പത്തു കഥകൾ.9 ടു 6 എന്ന് പറയപ്പെടുന്ന ജോലിയിലൂടെ ഒരു ദിവസം കടന്നുപോകുമ്പോൾ ആളുകളുടെ മനസ്സിൽ വിടരുന്ന അജ്ഞാതമായ വികാരങ്ങൾ, സങ്കടങ്ങൾ, സന്തോഷങ്ങൾ, ചെറുനർമങ്ങൾ... എല്ലാം കൂട്ടിയിണക്കിയ ഒരു പുസ്‌തകം. ഓരോ മനുഷ്യൻ്റെയും യാത്രകൾ വ്യത്യസ്‌തമാണ്. അവരുടെ പ്രതിസന്ധികളും അതിജീവനങ്ങളുമെല്ലാം തികച്ചും വ്യത്യസ്തമാണ്.ദ്വിഭാഷ (മലയാളം-ഇംഗ്ലീഷ്) രൂപത്തിൽ അവതരിപ്പിക്കുന്ന ഈ പുസ്ത‌കം, കോർപ്പറേറ്റ് ജീവനക്കാരുടെ ജീവിതത്തിലെ പ്രത്യേക സാഹചര്യങ്ങളിലൂടെയുള്ള ഒരു സഞ്ചാരമാണ്.

കൗമാരകാലത്ത് കണ്ടുമുട്ടുന്ന എല്ലാകാര്യങ്ങളിലും അത്ഭുതം കാണുന്ന കണ്ണുകളുണ്ട്. സൗഹൃദത്തിലും സ്നേഹത്തിലും ആത്മബന്ധങ്ങളിലും ഈ അത്ഭുതം അവർ നഷ്ടപ്പെടാതെ സൂക്ഷിക്കുന്നു. ബാല്യത്തിന്റേയും കൗമാരത്തിന്റേയും മനസ്സറിഞ്ഞാണ് ഈ കഥ വിവരിക്കുന്നത്. പറയുന്ന വാക്കുകളുടെ നന്മയും ഓർമ്മപ്പെടുത്തലും ആണ് ഈ കൃതി, അതിനോടൊപ്പം തന്നെ നഷ്ടപ്പെട്ട ബാല്യകൗമാരങ്ങളുടെ ശക്തമായ ഓർമ്മകൾ യഥാർത്ഥമായി മറ്റുള്ളവർക്കായി പകർത്തുകയും, അതിൽ സത്യത്തിന്റെ വെളിച്ചം വിതറുകയും ചെയ്യുകയെന്ന അത്ഭുതമാണ് നൂൽപ്പാവകൾ. തികച്ചും ഗ്രാമീണമായ വാക്കുകളും അനുഭവങ്ങളും ആണ് ഈ നോവലിന്റെ വഴിയിലൂടെ ആശ കൂട്ടിക്കൊണ്ട് പോകുമ്പോൾ നമ്മളോട് പറയുന്നത്. നൂൽപ്പാവകൾ കഥയെഴുത്തല്ല, മനസ്സ് നിറയ്ക്കുന്ന വിസ്മയിപ്പിക്കുന്ന ഒരു കഥ പറച്ചിലാണ്.

“വിഷ്‌ണുലാൽ സുധയുടെ ’അദൃശ്യമുറിവുകൾ’ മരണങ്ങളും അതിൻ്റെ അന്വേഷണവും അടങ്ങിയ ഒരു നോവൽ എന്നതിലുപരി ചരിത്രത്തെ അന്വേഷിച്ചുകണ്ടെത്തുന്ന ഒരു രേഖയുമാകുന്നു.“ “ചരിത്രവും പുരാണവും മായാജാലവുമെല്ലാം ഇഴമുറിയാതെ ഭ്രമാത്മകതയുടെ പട്ടുനൂലിനാൽ സംയോജിപ്പിച്ച് തയ്യാറാക്കിയ ഈ നോവൽ അപസർപ്പക കഥകളിഷ്ടപ്പെടുന്ന വായനക്കാർക്കെല്ലാം ഒരു പുത്തൻ അനുഭവമായിരിക്കുമെന്നുറപ്പാണ്

സ്നേഹം അതിന്റെ ചില വേരിയൻ്റകളെ എനിക്ക് മുന്നിലേക്കും അയച്ചു. അതിൽ ചിലതെന്നെ സ്നേഹിച്ചു, ചിലതെന്നെ ചിന്തിപ്പിച്ചു. ചിലതെന്നെ കൂടുതൽ മനുഷ്യനാക്കി. കൊടുക്കൽ വാങ്ങലുകളിലല്ലാതെ ഭൂമിയിൽ എനിക്ക് ചുറ്റും സ്നേഹമുണ്ടെന്നും സ്നേഹിക്കാൻ മാത്രമല്ലാതെ ചുറ്റിലും സ്നേഹത്തിന് സാധ്യതകളുണ്ടെന്നും അവരെന്നെ ഓർമപ്പെടുത്തി. എൻ്റെ ജീവന് ദൈവം തന്ന സ്നേഹത്തിന്റെ മുഖവുമായി ഞാൻ കണ്ടുമുട്ടിയ മനുഷ്യരെ ഞാൻ എൻ്റെ മനുഷ്യരെന്ന് വിളിച്ചു. ഈ പുസ്തകത്തിലുടനീളം എൻ്റെ മനുഷ്യരെ ഞാൻ നിങ്ങൾക്ക് തുറന്ന് തരുന്നു. ഇതാണ് ഞങ്ങൾ... ഇസ്നേഹം!